Public Radio of Armenia

Nûçe

Nûçe

NÛÇEYÊN GIRÎNG

09.03.2010 17:18

Pîrozbahîa serokk’omarê Ermenîstanê ji bo cejina 8-ê adarê

Girêdayî cejina 8-ê adarêr’a serokk’omarê Ermenîstanê Sêrj Sargsyan bi xebera pîrozbahîêva pêşda hatîye. “Girêdayî evê r’oja jinaye bedewr’a ez berbir’î dayîk, k’ulfeta, xûşka û hevalk’ara dibim û bi qîmetkirina mexsûsva pêşda têm. Bi dil û bi h’izkirin ez we pîroz dikim girêdayî evê cejina biharêye bedewr’a”,- nava xebera serokk’omare pîrozbahîêda hatîye gotinê. “Cime’ta me hert’im qedirê jinê girtîye, nava r’ojêd dîrokêye giranda jî jinê r’ola xwe lîstîye û guman daye cime’ta me. R’oja îroyîn goveka usa t’une, li k’îderê amedebûna jinê nedine k’ivşê. Jinê Ermenîstanê bi qedir berdewam dikin hînkin, t’erbetkin, bip’arêzin û qenckin. Ew berdewam dikin k’arê bidine şuxulk’arîa qewînkirina malbetê û t’erbetkirina ewleda”,- nava xebera pîrozbahîêda hatîye gotinê.
/T’ercme- Tîtalê K’erem/

Zêde bixûne

08.03.2010 16:19

Qebûlkirina li cem Sêrj Sargsyanê serokk’omar

Sêrj Sargsyanê serokk’omar r’êjîsîorê fîlmaye dinêe’yan, sazbend Êmîr Kûstûrîsa qebûl kirîye. R’êjîsîorê e’yan cara e’wline ku li Ermenîstanê diqeside. Duh li Yêrêvanê konsêrta k’oma wîye bi navê “The No Smoking Orchestra”-ê derbaz bûye. “ Tiştekî şabûnêye, ku em We li ser e’rdê ermenîa qebûl dikin. Seredana Weye li vir qewimandina k’ivşe bona dewleta me. Cime’têd me bi yazîya dîrokîêva mînanî hevin, lê sazbendîa We jî nêzîkî r’uh’ê cime’ta meye”,- Sêrj Sargsyan gotîye. Êmîr Kûstûrîsa derheqa dîtinêd xweye li Ermenîstanê serokk’omarê Ermenîstanêr’a gilî kirîye. “Ermenîstan welatekî bedewe. Bi paşer’oja dîrokîêye tragîkva herdu cime’têd me mînanî hevin û ez ji bo seredanê şame, ya ku mecalê dide min, ku ez derheqa wî h’emûşkîda bidime k’ivşê”,- r’êjîsîorê dinêe’yan gotîye. Ewî usa jî derheqa berne’mêd xweye e’frandarîêda r’aberî Sêrj Sargsyan kirîye.
/T’ercme- Tîtalê K’erem/

Zêde bixûne

10.03.2010 17:48

E’lametîa baylozê Brîtanîaêyî berêyî li Ermenîstanê

“Heleqetîên Brîtanîaê û T’irk’îaê li ser berjewandîên êkonomîkîê, sîasîê û eskerîê hatine h’îmdanînê û hetanî ku ew yek hebe gutugokirina pirsa k’omkujîa Ermenîa li Brîtanîê wê derbaz nebe”,-derheqa wê yekêda li înstîtûta Londonêye êkonomîkîê baylozê Brîtanîaêyî berêyî li Ermenîstanê Dêyvîd Mîllêr e’lam kirîye.Çawa ku r’adîostansîa “Azayî”-ê e’lam kirîye, me’nîa ewê e’lametîê nîşandayîna fîlma dokûmêntale “K’itêba şîn” bûye.Dîplomatê brîtanî, bi xeberdana derheqa r’êzolyûsîa Kongrêsa Amêrîkaê, gotîye, wekî ewê hukumî li ser heleqetîên ermenîa-t’irk’a neke. “Bêfitîa, t’irk’ê çawa hert’im qalme-qalma mezin bilindkin.Ew yek usa jî wextê naskirina k’omkujîa Ermenîaye ji alîê Fransîaêda qewimî”,-Mîllêr gotîye.
/T’ercme-Tîtalê K’erem/

Zêde bixûne

10.03.2010 17:48

Nema serokê Data Ermenîaye li Amêrîkaê

Serokê Data Ermenîaye li Amêrîkaê K’ên Xaçîkyan neme ser navê serokê Amêrîkaê Barak’ Obama şandîye, yê ku hevtîa derbazbûyî soz dabû ku wê bona şuxulk’arîa qebûlkirina r’êzolyûsîa ermenîaye li Kongrêsê çetinaya pêşda bîne.Nava nemêda K’ên Xaçîkyan dide dîyarkirinê, wekî bi cêr’ibadina mecbûr’kirina sîasîa t’irk’aye înk’arkirina k’omkujîê, Obamê serok e’lamî t’emamîa dinîaê kir, wekî xweqer’kirin dikare bi berjewandîên gêopolîtîkêva bê k’ir’înê û wekî sîasîa Obama gorî sîasîa t’irk’aye înka’rkirina k’omkujîa Ermenîaye.Ewî usa jî daye dîyarkirinê, wekî ce’dandinêd admînîstrasîa Barak’ Obamaye ji bo t’er’ibandina qebûlkirina r’êzolyûsîa derheqa k’omkujîa Ermenîada dijî wan sozdayînane, yên ku wextê kampanîa bijartina hatibûne dayînê.Dawîa nemê K’ên Xaçîkyan bangî Obama dike ku ew sozdayînêd xwe mîaserke û r’asthatinê t’evî serokên olk’a ermenîêd li Amêrîkaê t’eşkîlke.
/T’ercme-Tîtalê K’erem/

Zêde bixûne

10.03.2010 17:47

R’aberkirina opêratora Kanadaêye VoipJet-ê

Opêratora Kanadaêye VoipJet-ê malpera xweda Qerebag’a Ç’îya çawa t’opraxa Ermenîstanê r’aber kirîye, r’ûê çida li Adrbêcanê ner’azîbûn pêşda hatine.Em bêjin, wekî eva qewimandina e’wlin nîne, wextê ku li malperên hevaltîên ort’emiletîê Qerebag’ nava t’opraxa Ermenîstanêda tê r’aberkirinê.Malp’erên Adrbêcanêye înformasîon berevkirina îmza destpêkirine û bang dikin ku nema şkyatkirinê hevaltîa Kanadaêr’a bişînin û de’wê bikin ku “şaşîa” xwe r’astkin.
/T’ercme-Tîtalê K’erem/

Zêde bixûne

10.03.2010 17:47

Miqala r’ojnema Bek’ûêye Vesti.az¦-ê

R’ojnema Bek’ûêye Vesti. az¦-ê miqala R’ostem K’erîmove “Orgenîzeya Miletên Yekbûyî li Adrbêcanê narkotîka lape belabûyî dîtîye” neşir kirîye, nava k’îjanêda hatîye nivîsarê: “Me’lûmetîên r’esmî şe’detîê didin, wekî li ser têrîtorîa Adrbêcanê anîna çapa heroînê, opîûmê û kokaînê mezin dibe.R’ûê xebitandina narkotîkada li Adrbêcanê 45 meriv mirine, lê 514 jî nexweşîên xirab k’etine”,-r’ojnemê nivîsîye.
/T’ercme-Tîtalê K’erem/

Zêde bixûne

10.03.2010 17:46

Nema serokk’omarê Ermenîstanêye serxweşîê

Girêdayî erdheja li T’irk’îaêr’a, serokk’omarê Ermenîstanê Sêrj Sargsyan nema serxweşîê ser navê serokê T’irk’îaê Abdûlla Gyûl şandîye.Serokk’omarê Ermenîstanê ji navê cime’ta Ermenîstanê û ji navê xwe serxweşî daye serokê T’irk’îaê û malbetên şehîdên erdhejê.
/T’ercme-Tîtalê K’erem/

Zêde bixûne

10.03.2010 17:45

Civîna li şêwira bêqezîabûna Miletîê

Sala 2009-a hemû t’eşkîldarîên nava bernema hevk’arîa Ermenîstan-NATO-êda bi açixî hatine mîaserkirinê.Derheqa wê yekêda wextê civîna koordînasîakirina wan t’eşkîldarîa k’atibê şêwira Ermenîstanêye bêqezîabûna Miletîê Art’ûr Bag’dasaryan e’lam kirîye.Bi t’omerîkirina xebatên mîaserkirî, Art’ûr Bag’dasaryan daye dîyarkirinê, wekî gorî bernema 122 t’eşkîldarî hatine mîaserkirinê.Ewî gotîye, wekî sala îsalin t’evî NATO-ê wê t’elîmên h’alên qeydeder “Armênîa-2010” derbazbin û doktrîna hînkirina eskerîê bê amedekirinê.
/T’ercme-Tîtalê K’erem/

Zêde bixûne

10.03.2010 17:42

Heytehola li baylozxana Ermenîstanêye li Îtalîaê

Li baylozxana Ermenîstanêye li Îtalîaê heytehola xelatkirina nivîsk’ar, ermenîzan, lêktora ûnîvêrsîtêta Paûdaê Antonîa Arslanê derbaz bûye, ya ku bi mêdala wezîreta Ermenîstanêye kûltûraêye zêr’va hatîye xelatkirinê.Bi xebera silavkirinêva baylozê Ermenîstanêyî li Îtalîaê R’ûbên Karapêtyan pêşda hatîye û derheqa emekê xanim Arslanêda daye dîyarkirinê.Xanim Arslanê daye dîyarkirinê, wekî ew bi r’azîbûn xelata hukumata Ermenîstanê qebûl dike.Wextê ewê heyteholê wek’îlên olk’a ermenîên li Îtalîê, nivîsk’ar, lector amede bûne.
/T’ercme-Tîtalê K’erem/

Zêde bixûne