Public Radio of Armenia

Nûçe

Nûçe

NÛÇEYÊN GIRÎNG

03.09.2010 16:08

Bi t’eşkîldarîya merk’eza admînîstrasîa serokk’omarê Ermenîstanêye prêsaê k’itêba bi sernavê “Qerebag’a Ç’îa: ew yek çawa bûye…” hatîye çapkirinê

Bi t’eşkîldarîya merk’eza admînîstrasîa serokk’omarê Ermenîstanêye prêsaê k’itêba bi sernavê “Qerebag’a Ç’îa: ew yek çawa bûye…” hatîye çapkirinê. K’itêb girêdayî r’oja serbestîa Qerebag’êr’a hatîye çapkirinê û bi destê wezîreta ulm û xwendinê p’araveyî li ser îdarêd xwendinêye bilind û k’itêbxanêd mek’t’ebêd Ermenîstanê kirine. K’itêbêda derheqa pirsa Qerebag’êye dîrokîê, sîasîê û kûltûrîêda hatîye r’aberkirinê. T’emamîa r’astîa pirsa Qerebag’ê, nava wanda usa jî tragêdîya Sûmgaît’ê, qewimandinêd li Bek’ûê, kirinêd Adrbêcanêye li Marag’aê, Xocalûê û Ag’damê hatine r’aberkirinê. Her qewimandinek li ser h’îmê matêrîalêd dîrokîê, şikila , şe’detîa hatîye h’îmdanînê.
/T’ercme- Tîtalê K’erem/

Zêde bixûne

02.09.2010 16:22

Îro K’omara Arsaxê 19-salîya xwe dide k’ivşê

Îro K’omara Arsaxê 19-salîya xwe dide k’ivşê. K’omara Qerebag’a Ç’îa sala 1991-ê, 2-ê îlonê nava sînorêd qeza Qerebag’êye serbest û neh’îya Şahûmyanêda hatîye damezirandinê. Ewê r’ojê civîna şêwirêd Qerebag’ê û neh’îya Şahûmyanê, bi t’evbûna dêpûtatêd şêwira, gorî normêd qanûnêd Sovêtê û mafê xweqirarkirina cime’tê dêklarasîa qebûl kirîye. Diha dereng, bi xebitandina bi xwe derbazkirina r’êfêrêndûmê û mafê pirsdayîna derheqa statûsêda, şêwira dêpûtatêd Qerebag’êye miletîê derheqa derbazkirina r’êfêrêndûma derheqa serbetsîêda qebûl kirîye. Dehê k’anûna sala 1991-ê r’êfêrêndûm derbaz bûye, ya ku bin agirbarandinada derbaz bûye. Wî çaxî 82,2 selefê binelîa t’evî r’êfêrêndûmê bûne. Ji wana 99,89 selefa dengê xwe dane bona serbestîê. Derheqa zelalbûna ewê r’êfêrêndûmêda dîtindarêd serbeste ji welatêd der îzbat kirine.
/T’ercme- Tîtalê K’erem/

Zêde bixûne

03.09.2010 16:08

Bi t’eşkîldarîya merk’eza admînîstrasîa serokk’omarê Ermenîstanêye prêsaê k’itêba bi sernavê “Qerebag’a Ç’îa: ew yek çawa bûye…” hatîye çapkirinê

Zêde bixûne

03.09.2010 16:07

Seredana serekwezîrê Ermenîstanê Tîgran Sargsyane li Stêp’anakêrtê

Girêdayî 19-salîya serbestîa Qerebag’êr’a, dêlêgasîa bi serk’arîya serekwezîrê Ermenîstanê Tîgran Sargsyan duh çûye Stêp’anakêrtê. Tîgran Sargsyanê serekwezîr, serokê Qerebag’ê Bako Sahakyan û serekwezîrê Qerebag’ê Ara Harût’yûnyan t’evayî kulîlk danîne li ber heykelê ji bo bîranîna şih’îdên şer’ê Qerebag’ê. Wana usa jî kulîlk danîne li ber meg’berê serokê parlamênta Qerebag’êye e’wlin Art’ûr Mikrtçyan. Çawa ku hatîye e’lamkirinê, nevsêd Ermenîstanê û Qerebag’êye r’esmî t’evî vekirina heykelê mêrxasê T’ifaqa Sovêtê Nêlson Stêp’anyan û avayê mek’t’eba h’ejmara 11-a bûne. Serekwezîrê Ermenîstanê li mek’t’ebê ger’îaye û nasîa xwe daye qewilên îdara xwendinê û girêdayî r’oja serbestîa Qerebag’ê û sala hînbûnêye nûr’a pîroz kirîye. Tîgran Sargsyan usa jî li Tîgranakêrta dîrokî qesidîye û li mûzêa cîda ger’îaye, nasîa xwe daye xebatêd lêk’olînkirinê. Endamên dêlêgasîa Ermenîstanê li Stêp’ankêrtê t’evî t’eşkîldarîêd cejinêye mayîn bûne.
/T’ercme- Tîtalê K’erem/

Zêde bixûne

03.09.2010 16:07

Bona seroketîa Qerebag’ê naskirina serbestîa Qerebag’ê meremê lape pêşine, bona k’îjanê h’emû ce’dandin wê bên xebitandinê

Bona seroketîa Qerebag’ê naskirina serbestîa Qerebag’ê meremê lape pêşine, bona k’îjanê h’emû ce’dandin wê bên xebitandinê. Derheqa wê yekêda wextê r’asthatina t’evî r’ojne’mevana serokê Qerebag’ê Bako Sahakyan gotîye û serda zêde kirîye: “Serbestî ji bo cime’ta me qîmetîke cudaye û ew yek berê e’wlin bi saya bi h’ezara lawêd mêrxas hatîye destanînê. Em çawa borcê xwe h’esab dikin , ku berê e’wlin wan meriva bîr bînin”. Ewî bîr anîye,wekî piştî dêklarasîa serbestîê, dehê k’anûna sala 1991-ê bi r’îa r’êfêrêndûmê serbestî hate îzbatkirinê. Sala 2OO6-a bi qebûlkirina konstîtûsîaê ew yek careke mayîn hate îzbatkirinê. Derheqa r’êzalyûsîa ji alîê Adrbêcanêda r’aberkirî, ya li Organîzea Miletêd Yekbûyî, Bako Sahakyan gotîye, wekî eva cêr’bandina Adrbêcanêye e’wlin nîne û nava van salada ew bi e’lametîêd başqeva pêşda hatine û dicêr’bînin pirsê ji formata k’oma Mînskê cîguhastî sîstêmêd ort’emiletîêye mayîn bikin. “ Çi ku derheqa t’eşkîldarîêd ji alîê Ermenîstanêdane, eger vî cûr’eyî bidomîne, him Ermenîstan û him jî Arsax wê mecbûrbin gavêd anegor bavêjin. Derheqa wê yekêda usa jî wek’îlêd sîstêmêd ort’emiletîê fe’m dikin”,- serokk’omarê Qerebag’ê gotîye.
/T’ercme- Tîtalê K’erem/

Zêde bixûne

03.09.2010 16:06

Wek’îltîya Qerebag’a Ç’îaye li Amêrîkaê e’lametî bela kirîye, bi k’îjanê derheqa êrîşa azêrîaye 31-ê t’ebaxêye li ser xeta ort’a qewatêd Qerebag’ê û Adrbêcanê e’lam kirîye

Wek’îltîya Qerebag’a Ç’îaye li Amêrîkaê e’lametî bela kirîye, bi k’îjanê derheqa êrîşa azêrîaye 31-ê t’ebaxêye li ser xeta ort’a qewatêd Qerebag’ê û Adrbêcanê e’lam kirîye. Nava e’lametîêda hatîye k’ivşkirinê, wekî seroketîa Qerebag’ê nava k’arê p’arastina cime’t û serbestîa Arsaxê wê h’emû gava bavêje. Wek’îltîya Qerebag’êye li Amêrkîkaê bangî mexlûqetîa ort’emiletîê kirîye, ku provokasîaêd Adrbêcanê gunek’arkin û bona zêdekirina h’alê serte li r’êgîonê seroketîa ewê dewletê gazî ber cabdarîê bikin. “E’şaretîa mexlûqetîa ort’emiletîêye bona Adrbêcanê wê xûnr’êtinêd pêşer’ojê bide sekinandinê û wê alî qewînkirina aşîtîa li r’êgîonê bike”,- nava e’lametîêda hatîye gotinê.
/T’ercme- Tîtalê K’erem/

Zêde bixûne

03.09.2010 16:06

E’lametîa serokê komîsîa parlamênta Qerebag’êye heleqetîêd der Vahram At’anêsyan

Alîê Qerebag’ê dixweze ku li ser xeta ort’a qewatêd qerebag’îa-azêrîada t’u cara meriv neêne kuştinê. Derheqa wê yekêda serokê komîsîa parlamênta Qerebag’êye heleqetîêd der Vahram At’anêsyan gotîye.Bi gotina wî, alîê azêrîa berdewam dike propaganda mêrxasîa fe’ş mîaserke. Ewî daye dîyarkirinê, wekî e’cêvmayî namîne, ku li Adrbêcanê wê yekê normal h’esab dikin, ku al wî çaxî dibe al, wextê ku xwîna leşkerên wet’ene mêrxas li ser wê alêda dir’ije. “E’mirê me normal pêşda diçe, eskerê Qerebag’ê li ser t’abîêd xwe qewîn sekinîye û wet’enê xwe dip’arêze. Em pêş dik’evin û caba meye lape baş ewe”,- Vahram At’anêsyan gotîye.
/T’ercme- Tîtalê K’erem/

Zêde bixûne

03.09.2010 16:05

P’evçûyîna 31-ê t’ebaxêye li ser xeta ort’a qewatêd qerebag’îa-azêrîada cîda nîbû

P’evçûyîna 31-ê t’ebaxêye li ser xeta ort’a qewatêd qerebag’îa-azêrîada cîda nîbû. Derheqa wê yekêda wek’îlê serokê Organîzea Hevk’arî û Bêqezîabûna Avropaê Ancêy Kasprçîk e’lam kirîye. “ Ez zanim, ku li wir çi qewimîye, lê mandata min destûrê nade lêpirsînê mîaserkin”,- Kasprçîk gotîye. Ewî gotîye, wekî li Qerebag’ê, Yêrêvanê û Bek’ûê cêrge r’asthatinêd wîye t’evî qulixçîêd eskerîê derbaz bûne. Bi gotina wî, gotinêd wana dijî hev derdik’evin.
/T’ercme- Tîtalê K’erem/

Zêde bixûne

03.09.2010 16:05

Li Qerebag’a Ç’’îa t’eşkîldarîêd p’êşk’êşî 19-salîya serbestîa Qerebag’ê didomînin

Li Qerebag’a Ç’’îa t’eşkîldarîên p’êşk’êşî 19-salîya serbestîa Qerebag’ê didomînin. P’ara wane h’îmlî li Stêp’anakêrtê derbaz dibe. Nava atmosifêra cejinêda usa jî parka merk’ezêye t’ezeçêkirî hatîye vekirinê. T’evî wan konsêrta bûne usa jî şoûmênê r’ûs Valdîs Pêlş û Fîlîp Kîrkorovê dengbêj, bavê k’îjanî bi e’silê xweva ermenîye. Bona t’evbûna Valdîs Pêlş li Adrbêcanê îdî hîstêrîya destpê bûye. T’evî ewî k’arê bûye usa jî wezîreta Adrbêcanêye k’arêd der, ya ku e’lam kirîye, wekî Valdîs Pêlş jî k’etîye nava wa gotî “navnîşa r’eş”. Pêlş îdî niha nikare her’e Adrbêcanê.
/T’ercme- Tîtalê K’erem/

Zêde bixûne